Ngadhnjim mbi Vdekjen67, Dramë, E.Luarasi, N.Frashëri, R.Ljarja : Lufta e Dyte Boterore. Shqipëria është nën pushtimin nazist. Gjermanët arrijnë të kapin dy vajza të reja dhe i torturojnë ato për të zbuluar lidhjet me lëvizjen komuniste. Në fund ata i ekzekutojnë duke i varur në litar në mes të qytetit për të trembur dhe terrorizuar popullin. Filmi është i bazuar në ngjarjen reale të dy heroinave Bule Naipi dhe Persefoni Kokëdhima.

Nusja80, Dramë, E.Budina, L.Filipi : Shqipëria e Veriut në 1911. Sadik Aliaj marton të birin Baliun me Bardhën, e cila në të vërtetë dashuron Sokol Demën, të cilit i ka premtuar martesë, por që turqit e kanë futur në burg. Natën e Martesës Bardha i tregon Baliut sekretin e saj. Ky rrëfim i prerë dhe i pazakontë e ve Baliun në dilemë: ose ta vrasë nusen siç e do kanuni ose ta dorëzojë te prindërit e Sokol Demës.

Njësiti Guerril69, Luftë, N.Luca, P.Llana : Lufta e Dytë Botërore...Agjensia italiane e spiunazhit, nëpërmjet Ludovikut mundohet të futet në rradhët e njësiteve guerile të qytetit. Ata synojnë të zbulojnë dhe asgjësojnë krerët dhe të gjithë rezistencën. Agjenti Ludovik zbulohet dhe kështu dështon i gjithë operacioni fashist Gjarpëri i zi.

Odisea e Tifozëve72, Komedi. Tifozët nisen plot zhurmë, kush në këmbë, kush me biçikletë e kush me ndonjë makinë të rastit. Pas shumë skenash komike të udhëtimit ata arrijnë para stadiumit ku zhvillohet ndeshja, por pa mundur të futen brenda, sepse në këto çaste dëgjohet fishkëllima e arbitrit kryesor, i cili sinjalizon mbarimin e ndeshjes, e cila përfundon me humbjen e thellë të skuadrës mike.

Militanti84, Dramë, T.Flloko, A.Gorishti : Film portret mbi jetën e militantit Vasil Shanto. Ngjarjet vendosen në qytetin e Shkodrës ku heroi i filmit Visar Shundi vjen për të ngjallur punën e komitetit rajonal të partisë. Visari jepet si një njeri me cilësi fisnike dhe njeri aksionesh.

Prita68, Luftë, F.Makashi, N.Luca : Një reparti partizan i ngarkohet detyra e asgjësimit të një autokolone gjermane, e cila transporton trupa speciale që do të kryejnë operacione ndëshkimore në zonat e çliruara. Për të arritur në vendin e caktuar ku do të organizohet prita, partizanëve iu duhet të depertojnë në prapavijat e armikut. Ata zgjedhin me kujdes pozicionet dhe presin sinjalin për të goditur armikun.

Tre Njerëz me Guna85, Dramë, M.Ashiku, A.Gorishti, N.Koka : Tre partizanë të veshur trashë me guna për tu mbrojtur nga dimri i ashpër nisen për të kryer detyrën. Në rrugë e sipër diktohen nga gjermanët që u vihen në ndjekje. Bariu Xhemo për t'i shpëtuar përdor një dredhi të guximshme duke vënë në rrezik veten dhe familjen e tij.

Vitet e Para65, Dramë, P.Mani, A.Prosi : Filmi është bazuar në ngjarje reale marrë nga një roman i Fatmir Gjatës. Ngjarjet ndodhin gjatë tharjes së kënetës së Maliqit midis Stavri Larës sekretar partie dhe Abdyl Sharrës dhe Zyrakës të cilët kanë bërë sabotime. Stavri Lara i zbulon ata dhe do ti demaskojë publikisht. Në ngjarjen reale dy njerëz nga stafi teknik janë ekzekutuar.

Në Çdo Stinë80, Dramë, A.Markarian, A.Imami. Filmi Në çdo stinë i regjisorit Viktor Gjika trajton historinë e dashurisë në një qendër studentore, ku gërshetohen bukur ndjenjat, dashuria, humori. Muzika e mrekullueshme e Aleksander Peçit e bën këtë film të këndshëm dhe romantik.

Zemra që nuk Plaken77, Dramë, E.Oktrova, V.Manushi, K.Roshi : Xha Azemi ka dalë në pension pas 30 vjetësh punë si shofer kamioni. Por, ai nuk mësohet dot me këtë qetësi. Shokë të tjerë aktivë e ndihmojnë të kalojë një prag tjetër të jetës.

Një Udhëtim i Vështirë77, Dramë, D.Hyskja, S.Çili : Përpjekjet dhe sakrificat e dy njerëzve : Mitit një punëtori të vjetër dhe Sokolit një shoferi të ri që bëjnë gjithë përpjeket për të transportuar që nga porti i Durrësit deri në një uzinë të rëndësishme një kullë të lartë metalike që nuk e merr dot asnjë tjetër përsipër.

Plagë të Vjetra68, Dramë, R.Anagnosti, N.Frashëri : Gjini një plak malësor shtrohet në spitalin e Tiranës për të hequr nga shpatulla një plumb që i ka mbetur si suvenir nga një gjakmarrje e vjetër. Por, kur mëson se operacionin do ta kryejë doktoreshë Vera ai heziton nga mungesa e besimit në aftësitë e grave. Vera në këtë kohë po përjeton një dramë familjare, për shkak të vendimit që merr i shoqi Naimi për të punuar në minierën e Kurbneshit.