Infinity ChamberFantashkencë: I mbyllur në një burg të automatizuar, Frank Lerner i nënshtrohet një procesi të marrjes në pyetje që e detyron atë të rijetojë të njëjtën ditë pa pushim. Por kur lufta shpërthen jashtë, ai duhet të gjejë një mënyrë për të shpëtuar nga një sistem kompjuterik i cili është gardiani i tij.

VullkaniFantazi: Në Jelloustoun gjendet një nga vullkanet më të mëdhenj të Tokës, por që është në gjendje inaktive prej mijëra vitesh. Paritur vullkani zgjohet duke vendosur në rrezik jetët e miliona njerëzve. Çarli Jang dhe Keit janë të vetmit që mund të ndihmojnë të pafajshmit.

Historia e MutantëveFantashkencë: Në fund të Epokës së Akullit, Makineria kishte zbritur nga hapësira kozmike me qëllimin për ti shndërruar njerëzit në mutantë. Megjithatë, një hero kishte arritur ta mposhtë Makinerinë. Por në kohët e sotme ajo vihet sërish në punë në luftën e katër korporatave më të rëndësishme që luftojnë për të vënë një rend të ri botëror.

Zemra e dragoitFantazi: Mbreti i ri Einon plagoset në një betejë, por arrin të mbijetojë përmes përkujdesjeve të Drakos, një dragoi. Disa vite më vonë, Bouen, një i pasionuar pas dragonjve takohet me Drakon dhe të dy bashkë formojnë një skuadër për të kryer një akt, i cili dihet vetëm prej atyre të dyve. Bouen gjoja vret Drakon dhe merr shpërblimin nga qyteti që ai mbron, sepse dragoi kishte terrorizuar fshatin. Bouen dhe Drako shpëtojnë gjithë mbretërinë nga sundimi i mbretit të lig, Einon, i cili është pjesë e Drakos dhe Drako e tija.

JashtëtokësorëtFantashkencë: Një grup alienësh vizitojnë tokën, por njëri prej tyre humb dhe mbetet në tokë. Alienin e gjen Elioti, një djalë dhjetë vjeçar. Shumë shpejt alieni fillon të flasë dhe të dy lidhen shumë me njëri-tjetrin. Alieni dëshiron të shkojë në vendin e tij, por nëse Elioti e ndihmon, e di që do të humbë një shok.

Loja FinaleFantashkencë: Realiteti dhe videolojërat shkrihen në këtë film thriller dhe fantastiko-shkencor me regji të regjisorëve të filmit "Crank". Në një të ardhme jo shumë të largët, teknologjia e kontrollit të mendjes i lejon njerëzit të kontrollojnë veprimet dhe lëvizjet e njerëzve të tjerë. Si pasojë, miliarderi Ken Kastëll ka mundësinë të krijojë një videolojë supreme. Ajo mban emrin "Skayer" dhe mund të luhet "online" nga një grup shumë i madh njerëzish.