Dashuri me Pesë YjeMarisa është një kamariere e thjeshtë. Kristopheri është një politikan shumë i rëndësishëm. Ditën që vështrimet e tyre u ndeshën lindi dashuria më magjike në Manhatan.

Ernesti dhe Trashëgimia e FrikshmeErnesti futet në telashe serioze kur vendos të ndërtojë një shtëpi në pemë për fëmijët e lagjes, pasi aksidentalisht zgjon një përbindësh të shëmtuar dhe të lig që i urren gjithë fëmijët.

Aventurë në HimalajeNjë djalosh jetim shpëton një këlysh tigri nga gjuetarët e pamëshirshëm, të cilët i vranë nënën. Të dy së bashku, nisin një udhëtim drejt Himalajeve duke përjetuar një nga aventurat më të mëdha të jetës; miqësinë e vërtetë!

Mbretëria e LodraveTomi është gati të martohet me Merin, por një natë para dasmës, Barnabi i keq që lakmon Merin punëson dy burra që të mbytin Tomin dhe t'i vjedhin delet Merit.

PoliKur një vajzë 10-vjeçare zbulon se Poli, kali i vogël i cirkut keqtrajtohet, ajo vendos ta shpëtojë duke u arratisur bashkë me të.

FëmijaRas Duritz është një konsulent imazhi, i pasur në Los Anxhelos. Por meqë është afër të 40-tave, është bërë shumë cinik. Një natë ai habitet nga një i paftuar, një fëmijë 8 vjeçar. Ka diçka familjare me djaloshin topolak me emrin Rasti. Të dy djemtë bëjnë një udhëtim në të kaluarën e Rasit për të gjetur momentin që e ka bërë Rasin ky që është sot.

PopaiMarinar Popai mbërrin në një qytet bregdetar me emrin Suithevën. Aty njihet Olivian, e cila shumë shpejt do të bëhet dashuria e jetës së tij dhe Bluton, një pirat të keq që do të shkatërrojë qytetin. Me ndihmën e shokëve dhe fuqinë e spinaqit, ai do të mundohet që ta mposhtë Bluton.

Xhumanxhi - Niveli TjetërBanda u kthye, por loja ka ndryshuar. Ndërkohë që kthehen për të shpëtuar njërin prej tyre, lojtarët duhet të përballen me terrene ekstreme, si shkretëtirat dhe malet me dëborë për t'i shpëtuar lojës më të rrezikshme në botë.

Një Ëndërr për JetënPas dështimit të një prej veprave të tij, Barrie takon katër djemtë dhe nënën e tyre vejushë në një park. Gjatë muajve në vijim, ai luan çdo ditë me fëmijët dhe lojërat e tyre imagjinare i japin ide për të shkruar një vepër. Në mënyrë krejt rastësore, miqësia e tij me Silvian, me nënën e djemve e frymëzoi J.M Barrie të shkruante "Piter Panin".

Babai i NusesJeta e Xhorxh Banks, tronditet kur vajza e tij, Ani, kthehet nga një simestër studimesh në Evropë. Ajo i thotë babait se është fejuar. Xhorxhi tronditet edhe më shumë kur zbulon kostot e martesës dhe listën e gjatë të të ftuarve. Kur ai injorohet gjatë përgatitjeve të martesës, fillon të mendojë për momentet e bukura që ka kaluar me Anin dhe mendon për të ardhmen ku nuk do të ketë më pranë vajzën e tij të vogël.

Një Trajner GjenialBurri familjar, Fil Ueston, i cili kishte qenë gjithnjë viktimë e natyrës konkurruese të babait të tij, merr përsipër detyrën e trajnerit të ekipit të djalit të tij, por shumë shpejt, ai zbulon se përdor të njëjtat mënyra që përdorte babai i tij.

Një Jetë e Re për HelenënHelena është duke jetuar jetën që ka ëndërruar. E suksesshme në jetë, në fushën e modës dhe në karrierë. Jeta e saj nga një beqare e harbuar do të ndryshojë kryekëput kur të marrë në kujdestari tre fëmijët e së motrës, e cila ka humbur jetën bashkë me të shoqin në një aksident automobilistik.

Ana Dhe MbretiKjo është historia e Anna Leonowens, mësueses angleze që shkoi në Siam në 1860 për t u dhënë mësim fëmijëve të mbretit Mongkut. Ajo përfshihet në çështjet e tij politike. Ndërkohë, midis tyre lind shkëndija e dashurisë.

Zonja UinterbornKoni, e cila pret një shtatëzani të padëshiruar është nisur drejt Bostonit me tren, kur njihet me çiftin e pasur dhe të sapomartuar Hag dhe Patrisia. Pas përplasjes së trenit, ajo përfundon në spital, ku e ngatërrojnë me Patrisian.

Kujdestari i Kopshtit ZoologjikNjë grup kafshësh në kopshtin zoologjik vendosin të thyejnë kodin e heshtjes për t'i ardhur në ndihmë kujdestarit të tyre, që të gjejë dashurinë pa e lënë punën që bën për një më luksoze.

Një Botë e LargëtGjashtë fëmijë nisen për një udhëtim në Kanionin e Madh, por e gjejnë veten në një botë krejt tjetër.

Xhesi dhe ElfiKur adoleshentja Xhesi, e cila do që të bëhet parukiere, takon një elf pylli të quajtur Gili Du, ata krijojnë një dyshe shumë të veçantë. Modelet e flokëve të Gili Dusë i japin Xhesit famë mbarëbotërore.

Më në Fund të Lirë!Fëmijët e një fshati të vogël malor evropian ngelen banorët e vetëm të tij, kur prindërit dhe të rriturit e tjerë nuk mund të durojnë më sjelljen e tyre.

Adams ShëruesiHistoria e një njeriu hero, Hanter "Shëruesi" Adams, i cili ishte i vendosur për t'u bërë mjek, sepse donte që të ndihmonte njerëzit. Energjinë, humorin dhe patosin e tij, ai ua përçon edhe të sëmurëve.

Një Baba ShtëpiakPasi pushohet papritur nga puna, një burrë ndërron rolet me gruan e tij. Ai bëhet një baba që rri në shtëpi dhe duhet të kujdeset për tre fëmijët e vegjël, një punë që ai nuk di ta bëjë.

KingInesi dhe Aleksi janë përpara një dileme të madhe kur gjejnë Kingun, një këlysh luani të trafikuar, i cili arratiset nga një aeroport dhe gjen strehim në shtëpinë e tyre.

Krijesa MagjikeNjë grup fëmijësh me pushime në Kornuoll takojnë një krijesë magjike në plazh që ka fuqinë për të plotësuar dëshira.

Në Kërkim të ArushitNjë baba kërkon ndihmën e një punonjësi aeroporti për të gjetur arushin e humbur të vajzës së tij të sëmurë.

Xhixhi Dhe NeitiJeta e një djaloshi merr të tatëpjetën pasi sëmuret dhe mbetet tetraplegjik. Vazhdimi i jetës duket thuajse i pamundur derisa takon një kafshë të pazakontë, Xhixhin, një majmun kapuçin kureshtar dhe të zgjuar.

Pushime Në ParisNjë vajzë e re, së bashku me motrën dhe shoqen e saj të ngushtë përdorin kursimet e tyre për një udhëtim të ëndërruar në Paris, i cili rezulton të jetë një zhgënjim. Gjatë qëndrimit në hotel, një nga vajzat e ngatërrojnë me një trashëgimtare të pasur britanike. Por, para se të zbulojnë identitetin e saj të vërtetë, të tria vajzat përfundojnë duke përjetuar aventura të papritura në Monte Karlo.

Dallëndyshe dhe AmazonëNjë grup fëmijësh shkojnë me pushime në Lejk Distrikt. Ata vendosin të ngrenë kampin në një ishull, por pasi arrijnë atje, u duhet të luftojnë me dy motra, të cilat kanë të njëjtat qëllime. Ndërkohë, një burrë i mistershëm i akuzon për një krim që nuk e kanë kryer.