Ivani i TmerrshëmBalet; Ky realizim vjen nga trupa e baletit të Moskës, një vepër në stilin e vërtetë klasik të Bolshoit, me një koreografi plot energji dhe forcë, të ndërthurura me hijeshinë dhe brishtësinë e roleve femërore. "Ivani i tmerrshëm" është një dramë e fuqishme epike që portretizon Rusinë mesjetare të shekullit të XVI në kohën e mbretërimit të Ivanit, carit të parë të Rusisë.

Heaven and HellKoncert; Koncert "live" i vitit 2007 i grupit anglo-amerikan të muzikës "heavy metal", "Heaven and Hell", në "Radio City Music Hall" të Nju Jorkut. Grupi me katër anëtarë ishte një bashkim I themeluesve të grupit "Black Sabbath" dhe grupit "Dio" dhe ishte aktiv në skenën e muzikës nga viti 2006 deri në vitin 2010.

TinaDokumentar; Një dokumentar mbi jetën dhe karrierën e mbretëreshës së muzikës "rock'n'roll", Tina Tërner, që përfshin dhe një intervistë në daljen e saj të fundit.

Klasikët Në OperaKoncert simfonik; Moxart, Domenico Cimarosa dhe Alessandro Rolla, jane tre kompozitorët që sillen në skenë në këtë koncert. Nga Moxart është përzgjedhur "Simfonia e Hafnerit", nga Domenico Cimarosa do të interpretohet uvertura e operës së tij të famshme "Martesa e fshehtë" dhe nga Alessandro Rolla do të interpretohet koncerti në "Sol maxhor për violinë dhe orkestër".

Historia e Fantashkencës - Episodi 3 - PërbindëshatDokumentar; Një trajtim i gjerë i temës se pse përbindëshat përbëjnë gjithmonë një subjekt tërheqës të skenarëve në zhanrin e fantashkencës.

Revolucion dhe Romancë - Episodi 3 - Muzika e Shekullit XIXDokumentar; Sot muzikantët janë ndër njerëzit më me ndikim dhe më të famshëm në planet. Për shekuj me radhë, muzikantët ishin në shkallët më të ulëta të hierarkisë, por 200 vjet më parë, e gjitha kjo filloi të ndryshonte. Agimi i shekullit XIX ishte dëshmitar i daljes në skenë të kompozitorëve dhe muzikantëve përtej kufijve të sallave të koncerteve.

ColdplayKoncert; Koncert "live" i vitit 2011 i grupit britanik të rokut "Coldplay" në Festivalin e përvitshëm pesëditor në Glastonbury të Anglisë. "Coldplay" u bë i famshëm në mbarë botën në vitin 2000 me këngën "Yellow" dhe po në të njëjtin vit grupi publikoi edhe albumin e tyre të parë "Parachutes".

Xhenis Xhoplin - Rebelja e BluzitDokumentar; Një dokumentar biografik mbi jetën e kantautores amerikane të muzikës rok, soul dhe bluz, Janis Joplin, një nga yjet më të famshëm të rokut të epokës së saj, e cila shquhej për zërin e saj të fuqishëm mexo-soprano dhe interpretimet elektrizuese në skenë. Në këtë dokumentar rrëfehet se si ajo u shndërrua në një yll roku pothuajse brenda një nate në 1967-ën në festivalin e Montereit.

Hello DollyMuzikal; Një muzikal komedi i bazuar në jetën e Doli Levait, një vejushë njujorkeze, e cila ia ka kushtuar jetën e saj mblesërive. Ajo bie në dashuri me një tregtar të quajtur Horas dhe për ta tërhequr atë thur një mori situatash që përfshijnë dy shitësit e tij, një kapelebërës dhe ndihmësen e tij.

Magjistari i Vdekjes - Sezoni 1, Episodi 6 - IndiaShow; Në këtë episod Dramondi shkon në Udaipur, Indi. Ai studion vërtetësinë e të ashtuquajturit "numri indian me litarin". Pas kërkimeve që bën, ai do të interpretojë versionin e tij të numrit me litarin.

Sfida e Poçarisë së Vërtetë - Episodi 5Dokumentar; Ky është emisioni "Sfida e poçarisë së vertetë". Poçaria gjendet kudo rreth nesh dhe është e pazëvendesueshme në jetën tonë të përditshme. Askush prej nesh s'mund të jetojë pa këto materiale prej argjile. Nën drejtimin e Sara Cox, 10 poçarë vendas do sfidojnë njëri-tjetrin për 35 ditë, për të shpallur poçarin më të mirë.

Taylor SwiftKoncert; E shpallur si artistja e vitit 2023 nga Apple Music, këngëtarja dhe kantautorja amerikane, Taylor Swift, ngjitet në skenë në koncertin e turit të saj "Reputation" pa u shqetësuar për reputacionin e saj.

Historia e Fantashkencës - Episodi 4 - E ardhmja e ErrëtDokumentar; Stiven Spilberg, Kristofer Nolan, Robert Kirkman dhe shumë të tjerë do të zbulojnë se si do të mbijetojmë ne nëse bota që njohim shkatërrohet.

Andrea Bocelli - Nën Qiellin e ShkretëtirësKoncert; "Under the desert sky" është koncert i tenorit të famshëm italian Andrea Bocelli i realizuar në një skenë të ndërtuar mbi ujë në resortin "Lake" në Las Vegas dhe në të përfshihen pjesa më e madhe e këngëve të albumit "Amore".