Kapiten GremçiKur kapiten Gremçi i rrëmben fëmijët, një Piter Pan i rritur rikthehet në ishullin e Kurrkundit duke kërkuar shpirtin rinor për të sfiduar armikun e tij të vjetër.

KaubojiNjë baba me probleme, por me qëllime të mira, i cili është ndarë së fundi nga e shoqja, ia mbath me fëmijën e tij transgjinor në malet e Montanës, pasi ish e shoqja nuk pranon ta lejojë të birin të jetojë si do.

Gjuetarët e FantazmaveTre shkencëtarë të çuditshëm, përzihen nga vendet e tyre të punës në universitetin e Nju Jorkut ku studionin shkencat okulte. Ata vendosin të hapin një vend pune në një ndërtesë të vjetër zjarrfikësish dhe të bëhen Gjuetarë Fantazmash.

Familja Adams Tradita VazhdonKur Mortisia sjell në jetë një djalë të vogël me emrin Pubert, fëmijët e tjerë Adams si Pagsli dhe e Mërkura sajojnë çdo lloj mënyre për të vrarë vëllanë e tyre të vogël. Ata detyrojnë Gomezin dhe Mortisian të punësojnë një dado për të mbajtur të tre fëmijët.

Papagalli PoliPoli është një papagall që flet. Ai ia rrëfen aventurat e tij gjatë udhëtimeve në kërkim të të zotit të tij një emigranti rus.

Vizitorët - RevolucioniKalorësi Godrefi dhe ndihmësi i tij e gjejnë veten në vitin 1793, në mes të Revolucionit Francez. Dy udhëtarët në kohë bëjnë çmos për t'ia mbathur dhe për t'u kthyer në epokën e tyre.

Përgjithmonë BabaDaniel Hillard është një aktor ekscentrik, që dublon zërat për personazhet e kartonëve. Ai është një njeri i mirë dhe baba i dashur. Pas një feste ditëlindjeje që bëri për të birin, së shoqes Miranda iu sos durimi dhe i kërkoi divorcin. Fëmijët iu lanë në kujdestari Mirandës dhe atij i lejohej t'i vizitonte një herë në javë. I vendosur që të ruante kontaktet me fëmijët e tij, ai fillon punë si dadoja e tyre i maskuar si zonja Doubtfire.

Patrulla e QenveKjo është historia fantastike e Hudinit dhe bandës së tij të qenve. Të vendosur për të mbrojtur shtëpitë dhe familjet e tyre, ata u kundërvihen dy postierëve hajdutë që duan të vjedhin gjithë lagjen.

Zërat"Barden Bellas" është një grup vajzash kolegji që këndojnë vetëm a kapela dhe kanë një pamje të përkryer. Pas një dështimi të tmerrshëm në finalet e fundvitit, detyrohen të mblidhen përsëri.

Jetë QeniNdërsa hetonte në një laborator të fshehtë ku abuzoheshin kafshë, avokati Dejv Daglas kafshohet nga një qen i modifikuar gjenetikisht. Ai përpiqet të bëjë një jetë normale, pavarësisht se të nesërmen e kafshimit, ai transformohet në qen.

Shpirti i SkuadrësMotër Maria, një murgeshë aspak e zakontë dërgohet në verën e vitit 1994 në një shkollë me konvikt për djem, që rrezikon të mbyllet. Tek ajo do të gjejnë familjen që s'kanë pasur kurrë.

Legjenda e Një DashuriePas vdekjes së papritur të babait të saj të dashur, Daniela bëhet shërbëtorja e njerkës së saj të re. Ajo kishte edhe dy motra nga njerka, një të mirë dhe një të tmerrshme. Daniela rritet e bëhet një grua e fortë dhe një ditë rruga e saj kryqëzohet me rrugën e princ Henrit, i cili kishte problemet e tij në shtëpi.

Rrëmbimi i BabaitKur babain e Melisës e rrëmben një grup fansash të zellshëm, i takon asaj ta ndihmojë atë duke nxjerrë në pah superheroin e saj të brendshëm.

Roli i MurgeshësNjë këngëtare kabareje, e cila dëshmon një krim, detyrohet të fshihet në një kuvend murgeshash nga policia për ta mbrojtur nga kriminelët. Ardhja e saj e kthen kryekëput rutinën e kuvendit. Kjo murgeshë e re vendos të krijojë një kor ndryshe nga gjithë koret e kishave, që këndojnë këngë qiellore duke marrë një famë të pabesueshme për to.

Guximi i ÇmendurisëFrymëzuar nga një ngjarje e vërtetë, kjo është historia e Majkëll Eduardsit, një skiator britanik ndryshe nga të tjerët, i cili nuk reshti kurrë së besuari te vetja, megjithëse i gjithë vendi nuk e merrte në konsideratë. Me ndihmën e një trajneri rebel dhe karizmatik, Edi fitoi zemrat e adhuruesve nëpër botë me një paraqitje të jashtëzakonshme në Lojërat Olimpike Dimërore të vitit 1988 në Kalgari.

Destinacioni - VeneciaDjaloshi Emil nis një udhëtim interesant me rulotin e familjes për në Venecia për të parë koncertin e Polinës, vajzës që ai dashuron. Rrugës ai kupton vlerën e vërtetë të familjes së tij.

Duel TitanëshHistoria e vërtetë në fillim vitet '70-të, të një trajneri të sapoemëruar afrikano-amerikan dhe ekipit të tij gjimnazist në sezonin e parë të tyre të ndeshjeve dhe problemeve raciale me të cilat do të përballen.

ÇamarrokjaGjashtëmbëdhjetë vjeçarja e llastuar Popi ka gjithçka që mund ta blejë me kartat e saj të kreditit. Pas një shakaje të pamenduar, babai i saj u mërzit dhe e dërgoi në një shkollë me konvikt për vajza në Angli. Aty Popi u njoh me drejtoreshën e ashpër dhe me një klasë plot me vajza, të cilat nuk e toleronin egoizmin e saj.

Miku Im Më i MirëNjë qen qerrata miqësohet me një vajzë të re të vetmuar në një qytet të ri dhe e ndihmon atë të bëjë miq të rinj.

Gabimisht BabaNjë 30-vjeçar do të njihet me mikun më interesant; një djalë të vogël i cili do të shkojë të jetojë me të. Mes telashesh dhe vështirësish, ata do të lidhin një miqësi të fortë dhe do të zbulojnë se ç'do të thotë dashuri prindërore.

OgiHistoria e jashtëzakonshme e Ogit të vogël, i lindur me një sëmundje të rrallë, i cili duhet të përballet për herë të parë me ambientin e shkollës. A do të arrijë ai të integrohet me shokët dhe mësuesit?

Aksidentalisht në KampingXhorxh Lopezi do të jetë pjesë e një aventure të çmendur si babai që del vullnetar për të qenë guida gjatë kampingut të së bijës, duke mos e ditur se do të jetë i vetmi mashkull në një botë vajzash.

Miss XLUilloudin, një adoleshente e masës XL, vajza e një ish-Misi, do të regjistrohet për të marrë pjesë në konkursin e bukurisë që drejtohet nga vetë mamaja e saj. Bashkë me tri shoqet e saj, ajo do të konkurrojë në formë proteste, për të treguar se përmasat trupore nuk të pengojnë për të arritur një qëllim që ti ke në jetë.

Miku Im ÇupaNdërsa shkoi të takonte të afërmit në Meksikë, Aleksi gjen një shok të pazakontë, kur gjen një çupakabra të fshehur në hambarin e gjyshit të vet. Për ta shpëtuar krijesën mitike, Aleksi dhe kushërinjtë e tij do të përjetojnë një aventurë të hatashme.

Ekipi FituesSkoti Smolls zhvendoset në një lagje të re bashkë me nënën e njerkun e tij dhe do të mësojë që të luajë bejsboll. Ikona e bejsbollit të lagjes, Rodrigez e merr Smollsin nën patronazhin e tij dhe shumë shpejt, ai është pjesë e bejsbollit të lagjes. Ata kalojnë një sërë aventurash fëmijnore duke u përballur edhe me atë që ishte bërë tmerri i zonës, Bisha.