Engjëlli Mbrojtës2024; Dramë; Hilary Swank, Alan Ritchson, Emily Mitchell; Një parukiere në vështirësi gjen një qëllim të ri në jetë kur takon një baba vejan që përpiqet të rrisë dy vajzat e tij. Me vajzën e vogël të sëmurë rëndë, gruaja e vendosur organizon të gjithë komunitetin e Luivillit që të ndihmojë familjen në nevojë. Bazuar në ngjarje të vërtetë.

Dinastia Gucci2021; Biografi; Lady Gaga, Adam Driver, Al Pacino, Jeremy Irons, Jared Leto; Kjo është historia e dinastisë "Gucci" plot ambicie, intriga, tradhti dhe vrasje. Një kronologji ngjarjesh që tregojnë ngjitjen dhe rënien e njërës prej perandorive më të mëdha të modës.

Jashtë Hartës2022; Aventurë/ Aksion; Tom Holland, Mark Wahlberg, Antonio Banderas; Neit Dreik do të rekrutohet nga gjuetari i thesareve, Viktor "Salli" për të kërkuar një pasuri të grumbulluar nga Ferdinand Magelani 500 vjet më parë. Neiti dhe Salli do të nisin një aventurë në kërkim të të vërtetave që fshihen në thesaret mitike brenda qyteteve të humbura, duke nxitur një përballje mes gjuetarëve të tjerë rivalë dhe hajdutëve.

Pantera e Zezë2018; Fantashkencë; Chadwick Boseman, Michael B. Jordan, Lupita Nyong'o; Uakanda është një zonë e fshehur në Afrikën Qendrore. Në pamje të parë duket si një vend i varfër, por është i pasur me burime natyrore të shumta dhe minerale. Kur mbreti i sapongjitur në fron shndërrohet në Panterën e Zezë, ai lufton për të mbrojtur popullin e vet dhe traditat e hershme.

7 të Panjohurit2018; Thriller; Jeff Bridges, Cynthia Erivo,Lewis Pullman; Në vitin 1969, shtatë të panjohur takohen në një hotel të vetmuar dhe me një histori të errët. Shumë shpejt sekretet e tyre fillojnë të dalin në dritë dhe ata e gjejnë veten në mes të një katrahure të vërtetë.

Hija Përmbi Sy2021; Dramë; Alex Høgh Andersen, Danica Curcic, Ester Birch; Forcat e rezistencës në Kopenhagenin e Luftës së Dytë Botërore kërkojnë ndihmën e britanikëve që të bombardojnë godinën e Shtabit Qendror të Gestapos. Forcat ajrore britanike planifikojnë sulmin, por godasin aksidentalisht godinën e një kolegji francez me fëmijë të vegjël duke shkaktuar një tragjedi të pashoqe.

Sirano2021; Muzikal/Dramë; Peter Dinklage, Haley Bennett, Kelvin Harrison Jr.; Poeti dhe shpatari i famshëm Sirano De Berzherak është i dashuruar marrëzisht pas Roksanës, vajzës bukuroshe e cila adhuron dashuritë e mëdha. Në pamundësi për t'ia shprehur dashurinë ngaqë është xhuxh dhe jo i pashëm, Sirano gjen mënyrën për ta bërë atë ndryshe.

Çifti i Kopertinave2022; Komedi/ Romancë; Eugenio Derbez, Samara Weaving, Max Greenfield; Një yll i kinemasë fton një punonjës parkimi të një restoranti në Beverly Hills që të dalë në foto me të dhe të shtiret si i dashuri i saj, me qëllim që të fshehë marrëdhënien me një burrë të martuar.

Argjentinë, 19852023; Biografi/ Krim; Ricardo Darín, Gina Mastronicola, Francisco Bertín; Një ekip avokatësh marrin kreun e diktaturës së përgjakshme ushtarake të Argjentinës në vitet 1980 gjatë një beteje kundra çdo mundësie dhe në një garë me kohën.

Diana Nyad - Forca që Kalon Oqeanin2023; Biografi/ Dramë; Annette Bening, Jodie Foster, Anne Marie Kempf; Historia e jashtëzakonshme e notares Diana Niad, e cila në moshën 60-vjeçare, me ndihmën e shoqes së ngushtë dhe trajneres, synon të realizojë ëndrrën e një jete. Të kalojë me not ngushticën prej 165 kilometrash nga Kuba në Florida. Përveç problemeve fizike që has për shkak të moshës, gruaja duhet të përballet edhe me rrezikun e sulmit të peshkaqenëve dhe gjallesave të tjera që janë të shumta në ato ujëra.

Perla2022; Horror; Mia Goth, David Corenswet, Tandi Wright; Perla jeton me prindërit e saj në një fermë të largët. Ëndrra e saj e vetme është që një ditë të largohet nga ferma dhe të bëhet pjesë e kinematografisë. E ëma është kategorikisht kundër, por ajo do të bëjë gjëra të paimagjinueshme që ta realizojë këtë ëndërr.

Argjentinë, 19852023; Biografi/ Krim; Ricardo Darín, Gina Mastronicola, Francisco Bertín; Një ekip avokatësh marrin kreun e diktaturës së përgjakshme ushtarake të Argjentinës në vitet 1980 gjatë një beteje kundra çdo mundësie dhe në një garë me kohën.

Njeriu Merimangë Pa Kthim2021; Aventurë; Tom Holland, Zendaya, Benedict Cumberbatch; Teksa identiteti i Njeriut Merimangë është zbuluar, Piter Parker i kërkon ndihmë Dr. Strange. Kur diçka nuk shkon si duhet, armiq të rrezikshëm nga universe të tjera fillojnë të shfaqen dhe ai do të zbulojë domethënien e vërtetë të të qenit Njeriu Merimangë.

Ditari i Guantanamos2021; Dramë; Tahar Rahim, Jodie Foster, Benedict Cumberbatch; Qeveria e Shteteve të Bashkuara e ka arrestuar dhe burgosur atë në Guantanamo pa gjyq dhe akuza konkrete. Kur duket se i ka humbur shpresat, Muhamed Slahi gjen një aleate, avokaten Nensi Hollander dhe ndihmësen e saj, bashkë me të cilat përballet për drejtësinë e mohuar, teksa një prokuror ushtarak përpiqet të gjejë provat e manipuluara.

Detektivi Luthen2022; Krim/ Mister; Idris Elba, Cynthia Erivo, Andy Serkis; Kryeinspektori Xhon Luther caktohet të zbulojë se çfarë ka ndodhur me Kallëm Olldriç, një djalë 17-vjeçar i varfër që has një grua të vdekur në rrugë dhe që zhduket në rrethana të mistershme. Djali është vetëm një nga shumë viktimat që bien në duart e një vrasësi serial që po terrorizon Londrën.

Të mos Urresh2020; Dramë; Alessandro Gassmann, Sara Serraiocco, Luka Zunic; Djali i një të mbijetuari i Holokaustit, i cili jeton në Trieste si kirurg, do të fillojë të dyshojë për veprimet e tij për të t'i ardhur në ndihmë një viktime të një aksidenti rrugor, me të cilin do të ndeshet gjatë kthimit nga puna.

Trembëdhjetë Jetë2022; Aventurë/ Biografi; Viggo Mortensen, Colin Farrell, Joel Edgerton; Bazuar në ngjarje të vërtetë. Një ekip futbolli tajlandez i përbërë nga fëmijë të vegjël, ngecin në shpellën e Tam Luangut. Papritur fillon një muson, duke u bllokuar kështu daljen. Qeveria tajlandeze pajton palombarët më të mirë të botës, të cilët përfshihen në një operacion shpëtimi, i cili do të mbërthejë miliona njerëz para ekranit.

Sweet Girl2021; Aksion; Jason Momoa, Isabela Merced, Manuel García-Rulfo; I izoluar nga bota pas vdekjes së gruas që dashuronte, një burrë kërkon hakmarrje, ndërkohë që përpiqet të mbrojë të vetmen familjare që i ka mbetur gjallë: të bijën. Tashmë ata janë të dy

Jeta në Duart e Saj2021; Dramë; Anna Schafer, Nick Ballard, Leo Marz; Bazuar në ngjarje të vërtetë. Jeta e një vajze të re ndryshon kur e caktojnë të bëhet "tezja" e një djali që ka rënë në koma dhe që rrezikon të vdesë. Kur ajo kupton që incidenti ka qenë pasojë e dhunës në familje, vendos të luftojë për të vendosur drejtësi.

Sipas Mënyrës Tonë2021; Dramë, Riccardo Scamarcio, Elena Lietti, Alba Rohrwacher; Një sërë ngjarjesh ndryshojnë përgjithmonë jetën e disa familjeve, të cilat jetojnë në tri kate të ndryshme të një pallati në Romë. Do të dalin në pah vështirësitë e përditshme, problemet familjare dhe mënyra si i përballojnë ato.

Dhoma e Vrasjeve2023; Triller/ Komedi; Alexis Linkletter, Joe Manganiello, Danny Plaza; Një qitës, shefi i tij dhe një tregtare e veprave të artit bëhen pjesë e një skeme të pastrimit të parave, që aksidentalisht do t'i çojë drejt sfidave të papritura.