Kujdestari i Kopshtit ZoologjikNjë grup kafshësh në kopshtin zoologjik vendosin të thyejnë kodin e heshtjes për t'i ardhur në ndihmë kujdestarit të tyre, që të gjejë dashurinë pa e lënë punën që bën për një më luksoze.

Familja AdamsPas një sërë skenash ku përcaktohen personazhet e Gomezit, Mortisias, Të Mërkurës, Pagslit dhe të shërbyesve, historia merr rrjedhën e saj. Një i panjohur i interpretuar nga Christopher Lloyd vjen në derën e shtëpisë Adams duke pretenduar se është xhaxhai i Festerit. Por ai në fakt është një mashtrues, i cili do t'u marrë Adamsave pasurinë e tyre.

Përtej ËndrraveDoktor Kris Nielson takon shpirtin e tij binjak Enin. Ata martohen dhe bëjnë dy fëmijë. Fëmijët vdesin në një aksident me makinë dhe katër vjet më pas vdes edhe Krisi. Pasi përfundoi në parajsë, ai udhëhiqet nga engjëlli mbrojtës Alberti dhe bashkohet me qenin dhe fëmijët e tij.

Një Verë MagjikeBazuar në një ngjarje të vërtetë. Historia e dy vëllezërve, Eliotit dhe Rokit, të cilët kërkojnë me çdo kusht rikthimin e personazhit të tyre të preferuar në transmetim.

Lizi SuperstarLizi MekGuajër sapo është diplomuar në gjimnaz dhe vendos të udhëtojë në Romë bashkë me klasën. Ai çka duhej të ishte një udhëtim normal shkolle shndërrohet në realizimin e ëndrrës së saj.

Në Kërkim të ArushitNjë baba kërkon ndihmën e një punonjësi aeroporti për të gjetur arushin e humbur të vajzës së tij të sëmurë.

Miqësi e PazakontëNjë këlysh ujku dhe një këlysh luani shpëtohen nga një vajzë në zemër të një pylli kanadez. Mes tyre lind një miqësi e fortë, që do të ndryshojë jetën e tyre përgjithmonë.

Një Familje e JashtëzakonshmeNjë vajzë duhet të përballojë jetën me dy prindër që kanë nevoja të veçanta dhe me një familje të madhe që nuk bie aspak dakord për mënyrën më të mirë se si ta ndihmojnë.

Dyqani i Lodrave MagjikeMolli Mahoni është menaxherja e "Mr. Magorium Wonder Emporium", dyqanit fantastik të lodrave. Një kompozitore premtuese dhe një pianiste që tanimë është një grua e pasigurt dhe e bllokuar në këtë punë që s'i pëlqen. Gjithçka do të ndryshojë kur të njihet me Erik Eipëllbaumin, mik i përbashkët i saj dhe i z. Magorium. Punonjësja e këtij dyqani magjik do të mësojë të besojë te vetja, te miqtë dhe tek e ardhmja që e pret.

Një Polic Në KopshtAgjenti i FBI-së, Zak Rid do të infiltrohet si mësues kopshti në një nga shkollat më të mira të qytetit për të marrë një usb që përmban listën e personave të programit për mbrojtjen e dëshmitarëve. Ai do të përpiqet të afrohet dhe të kuptojë fëmijët, pasi ata janë çelësi për të shpëtuar jetë të pafajshme njerëzish.

Një Aventurë IndianeKur një adoleshente në Indinë rurale zbulon një pasion nga ata që të ndryshojnë jetën për skeitbording, ajo përballet me një rrugë të vështirë ndërsa ndjek ëndrrën e saj për të konkurruar.

Gili HopkinsGili Hopkins ka qenë në shumë jetimore dhe arrinte të largohej prej çdo familjeje që e birësonte. Në përpjekje për t'i shpëtuar kujdesit të pafund të nënës së saj të re birësuese, Meim Troter, Gili thur një plan një plan që ajo beson se do ta bëjë nënën e saj biologjike që të vijë me vrap ta shpëtojë. Por kur plani i saj dështon, ajo kupton se mund të shkatërrojë shansin e vetëm që ka për të qenë pjesë e një familjeje të vërtetë.

Evan i GjithëpushtetshmiGazetari i Bufalos, Evan Bakster zgjidhet në kongres me sloganin "Ndryshoni botën". Ai trashëgon një shtëpi të madhe në një periferi të Virxhinias së Re, por ka një kleçkë. Ai është caktuar nga kongresisti i fuqishëm Long që të propozojnë një projektligj që të lejojë zhvillimin në parqet kombëtare. Zoti i shfaqet Evanit mosbesues dhe e urdhëron butësisht të ndërtojë një varkë për të shpëtuar botën.

Ernesti dhe Trashëgimia e FrikshmeErnesti futet në telashe serioze kur vendos të ndërtojë një shtëpi në pemë për fëmijët e lagjes, pasi aksidentalisht zgjon një përbindësh të shëmtuar dhe të lig që i urren gjithë fëmijët.

Aventurë në HimalajeNjë djalosh jetim shpëton një këlysh tigri nga gjuetarët e pamëshirshëm, të cilët i vranë nënën. Të dy së bashku, nisin një udhëtim drejt Himalajeve duke përjetuar një nga aventurat më të mëdha të jetës; miqësinë e vërtetë!

Një Dëshirë e ThjeshtëMari, një Zanë Kumbarë fillestare kalon plot peripeci për t'i plotësuar Anabelës së vogël dëshirën e saj. Ajo kërkon që i ati ta fitojë rolin në një shfaqje dhe familja e saj të mos shpërngulet në Nebraska.

Një Ëndërr për JetënPas dështimit të një prej veprave të tij, Barrie takon katër djemtë dhe nënën e tyre vejushë në një park. Gjatë muajve në vijim, ai luan çdo ditë me fëmijët dhe lojërat e tyre imagjinare i japin ide për të shkruar një vepër. Në mënyrë krejt rastësore, miqësia e tij me Silvian, me nënën e djemve e frymëzoi J.M Barrie të shkruante "Piter Panin".

PoliKur një vajzë 10-vjeçare zbulon se Poli, kali i vogël i cirkut keqtrajtohet, ajo vendos ta shpëtojë duke u arratisur bashkë me të.

Baballarë të FortëKur një biznesmen i pasur mëson për fejesën e papritur të vajzës së tij me një misionar, ai përpiqet ta mbajë atë më afër shtëpisë, por kur përpjekjet e tij shkojnë keq, duhet të rimarrë në konsideratë se ç'do të thotë në të vërtetë të jesh një baba i fortë.

FëmijaRas Duritz është një konsulent imazhi, i pasur në Los Anxhelos. Por meqë është afër të 40-tave, është bërë shumë cinik. Një natë ai habitet nga një i paftuar, një fëmijë 8 vjeçar. Ka diçka familjare me djaloshin topolak me emrin Rasti. Të dy djemtë bëjnë një udhëtim në të kaluarën e Rasit për të gjetur momentin që e ka bërë Rasin ky që është sot.

Rivalitet Mes GjyshërveTakimi i Xherit dhe Tomit shkakton një garë të ashpër dhe një sërë sfidash gazmore mes dy gjyshërve të cilët konkurrojnë për të fituar simpatinë e nipërve të tyre.

PopaiMarinar Popai mbërrin në një qytet bregdetar me emrin Suithevën. Aty njihet Olivian, e cila shumë shpejt do të bëhet dashuria e jetës së tij dhe Bluton, një pirat të keq që do të shkatërrojë qytetin. Me ndihmën e shokëve dhe fuqinë e spinaqit, ai do të mundohet që ta mposhtë Bluton.